“Pinyruodhi Mondo Obi”—Lamo ma Ji Tara gi Tara Osebedo ka Lamo
Be isegalamo kikwayo mondo Pinyruodh Nyasaye obi? Kuom higni mang’eny, ji tara gi tara osebedo ka nwoyo wechegi e lamo: “Pinyruodhi mondo obi.” Ang’o momiyo gitimoga kamano? En nikech Yesu nonyiso jolupne ni gilem mondo Pinyruodh Nyasaye obi.
Jolup Yesu ne ok ong’eyo tiend weche moko ma Yesu nowacho e wi Pinyruoth. Nitie chieng’ ma ne gipenje ni: “Ruoth, be ma e kinde ma iduokoe pinyruoth ne Israel?” Nyaka bed ni ne giwuoro ka Yesu ne ok omiyogi dwoko ma achiel kachiel. (Tich Joote 1:6, 7) Be mano nyiso ni ok wanyal ng’eyo gima Pinyruodh Nyasaye en kod kinde ma nobie? Ok en kamano!
Gasedni biro konyi yudo dwoko mag penjo ma luwogi:
Ang’o momiyo wadwaro ni Pinyruodh Nyasaye obi?
Ruodh Pinyruodh Nyasaye en ng’a?
Pinyruodh Nyasaye biro locho e wi piny karang’o?
Ang’o ma Pinyruodh Nyasaye biro timo?
Ang’o momiyo onego wariw Pinyruodh Nyasaye lwedo sani?
Pinyruodh Nyasaye en ang’o?