Pak Jehova Odiechieng’ Kodiechieng’
1. Jotich Nyasaye nigi gombo mar timo ang’o, to nikech ang’o?
1 Ruoth Daudi nonyiso kaka ne ong’ado mar dhi nyime pako Jehova “ndalo duto,” kata nyaka chieng’. (Zab. 145:2, 7, 21) Wabende wan gi gima ber momiyo onego wapak Jehova odiechieng’ kodiechieng’.—Zab. 37:10; 145:14, 18; 2 Pet. 3:13.
2. Ere kaka joot nyalo pako Jehova odiechieng’ kodiechieng’?
2 Sama Wan e Utewa: Wan gi buge ma gerowa ma watiyogo e puonjruok kuom Nyasaye kod Muma seche mwanono ndiko modiechieng’, seche mwatimo Lamo mar Joot, kod seche mwaikore ne chokruogewa. Joot mathoth ong’iyo chiemo kanyachiel kata dichiel e odiechieng’. Mano miyogi thuolo mar wuoyo ka gibet mos, kendo miyogi thuolo mar pako Jehova. E kinde kaka mago jonyuol goyo mbaka gi nyithindgi kuom weche Muma, kendo mano nyalo bedo thuolo maber mar pidho nyithindgi ‘ka girieyogi kendo puonjogi kuom Ruoth.’—Efe. 6:4; Rapar 6:5-7.
3. Gin thuolo mage mag pako Jehova ma wan-go sama wan gi owetewa?
3 Sama Wan gi Owetewa: Seche ma wan e tij lendo kata e chokruoge mag kanyakla, wan gi thuolo maberie moloyo mar pako Jehova kanyachiel gi owetewa. (Nge. 15:30; Fili. 4:8; Hib. 13:15) Bedo ni waduto wahero Jehova, onego obednwa mayot pako Jehova kod goyone erokamano nikech ber mage seche ma wawuoyo ng’ato gi nyawadgi.—Zab. 106:1.
4. Inyalo pako Jehova e thuolo kaka mage?
4 Sama Wawuoyo gi Joma ok Gin Joneno: Kata obedo ni chal mag ngimawa nyalo miyo ok wayud thuolo mar dhi e lendo gi kanyakla pile, wuoyo kata machuok gi jotich wetewa, joma wasomogo, kod joma moko man machiegni kodwa e wi Jehova kod dwarone nyalo kelo geno ne joma chunygi tir. (Zab. 27:14; 1 Pet. 3:15) Nyaminwa moro ne olendo ne jawuoth wadgi ma ne gin-go e ndege, jawuodhno nowinjo ka weche nyaminwano ohoyo chunye kendo ojiwe ahinya, mi nomiyo nyaminwano nonro mare kod nambane mar simo mondo gibed gi nyalo mar tudruok. Kaka jopiny medo chandore nikech weche medo bedo maricho, jotich Jehova to medo tero “weche mokou mabeyo mag gi maber” ne joma oikore winjo. Mano kelo ne jomoko geno kendo miyo gipako Jehova.—Isa. 52:7; Rumi 15:11.
5. Ang’o momiyo wagombo pako Jehova, to timo kamano nyalo kelo ang’o?
5 To mano kaka Jehova mor sama owinjo kaka jotichne pake odiechieng’ kodiechieng’! Mana kaka chwech Jehova molworowa pake, wan bende wanyalo pake odiechieng’ kodiechieng’ ka wan e utewa, e kanyakla, kod seche ma wawuoyo gi joma pok ochako pako Jehova, kendo timo kamano nyalo miyo gichak pake kanyachiel kodwa.—Zab. 19:1-4.