Sandug Penjo

◼ Be onego walem e puonjruok mar Muma mitimo e dhoot?

Nitie ber mang’eny ka wachako kendo tieko puonjruok mar Muma gi lamo. Kokalo kuom lamo, wakwayo Jehova rohone maler mondo otawa e puonjruogno. (Luka 11:13) Lamo bende konyo japuonjre kawo gi pek puonjruok mar Muma kendo konye ng’eyo kaka owinjore olem. (Luka 6:40) Omiyo, ber ka wachako puonjruok gi lamo mapiyo kaka nyalore. Kata kamano, nikech kuonde puonjruok opogore opogre, jal matayo puonjruok mar Muma onego oti gi rieko e ng’ado ka ginyalo lemo e dhoot.

Achiel kuom gik madongo minyalo non en kama itimoe puonjruogno. Ka puonjruogno itimo pile e dhoot kama un kar kendu, unyalo chako kendo tieko gi lamo machuok. Kata kamano, kapo ni timo kamano nyalo ywayo pach jomoko ma nenou kata miyo japuonjre wichkuot, nyalo bedo maber ka uchako kendo tieko gi lamo bang’ kusechako puonjoru kama opondo. Kata bed mana ni puonjruogno itimo kanye, gima duong’ en tiyo gi rieko e ng’ado kinde mowinjore wachak lemoe.—Ne Huduma Yetu ya Ufalme ma Mach 2005 e ite mar 4.