Yo Maber mar Winjo Wende mag Pinyruoth

Jotich Nyasaye neno thum kaka mich majaber moa kuom Jehova. (Jak. 1:17) Kanyakla mang’eny yudo mor kokalo kuom winjo wende mag Pinyruoth miketo e dwol mapiny kapok chokruok ochakore to kod bang’ chokruok. Winjo thum mapako Nyasaye en yo maber mar rwakowa e chokruogewa. Bende okonyowa iko pachwa ne lamo. E wi mago, sama wawinjo thumbe manyien mayudore e bugwa mar wer, wayudo thuolo mar ng’iyo gi wendego kendo ng’eyo kaka owinjore owergi. Keto thumbego bang’ chokruok miyo kuondewa mag romo bedo mamor kendo mokuwe sama wagoyo mbaka gi owetewa ka wajiwore. Omiyo buche mag jodongo onego otim chenro mowinjore mondo oket wende mag Sing to Jehovah—Piano Accompaniment kapok chokruok ochakore kod bang’e. Onego gine ni dwond thum ok ket malo ahinya ma tamo ji goyo mbaka.