Weche Mwanyalo Chako Wuoyogo gi Ji

Chako Puonjruok mar Muma gi Ji Ngeso Mokwongo e Dwe mar Jun

Som Isaiah 42:8. Kae to iwach kama: “Kaluwore gi ndikoni, Nyasaye nigi nyinge. Be iparo ni ochuno ni nyaka wati gi nying Nyasaye? [Rit dwoko.] Ne ane kaka kae wacho.” Mi wuon ot Mnara wa Mlinzi ma Jun 1, kendo unon kode wach mayudore e bwo wich matin mokwongo e ite mar 16. Chiw gasede kendo itim chenro mar dok nono penjo maluwo.

Ohinga mar Jarito Jun 1

“Daher winjo pachi e wi wach maduong’ni. [El ite mar 3, kendo inyise gik mochan kanyo.] Kuom gik mochan-gi, en mane machal gi paro ma in-go e wi Muma? [Rit dwoko.] Ne ane gima Muma wacho kuome owuon. [Som Jo Rumi 15:4.] Gasedni wuoyo kuom weche abich momiyo Muma en buk makende kendo onyiso kaka onyalo konyowa.”

Amkeni! Jun

“Higa ka higa, ji tara gi tara bedo matuwo nikech gichamo chiemo maok ler. Be iparo ni chiemo ma wachamo ler? [Rit dwoko.] Gasedni lero yore ang’wen ma wanyalo ritogo joodwa mondo kik giyud tuoche manyalo biro kokalo kuom chiemo maok ler. Bende onyiso gima Muma singo kuom kinde mokayo ahinya ma ji duto biro bedo gi chiemo maler kendo mang’eny.” Som Zaburi 104:14, 15.