“Yal Wach Maber Chuth”
1. Jaote Paulo noketonwa ranyisi mane maber e tij lendo?
1 “Tim tijegi duto monego itim kaka jatich Nyasaye.” (2 Tim. 4:5, Luo New Testament, 2003) Jaote Paulo ne nigi chuny maler ka nondiko ne Timotheo wechegi. Mano en adier nikech sama nondikogi, noyudo osetieko wuodhene adek ma notimo e kind higini mag 47 kod 56 E Ndalowa kaka jamisonari. Buk mar Tich Joote nyiso nyadinwoya ni Paulo nochiwo neno chuth. (Tich 23:11; 28:23) Ere kaka wanyalo chiwo neno chuth e kindegi?
2. Ere kaka wanyalo chiwo neno chuth sama walendo e ot ka ot?
2 Lendo Ot ka Ot: Mondo wachop ne joma pok owinjo wach maber, nyalo dwarore ni walimgi e seche mopogore gi ma wang’iyo lendoe. Samoro joma chwo yudore e utegi mana godhiambo kata e giko juma. Nikech dwaher wuoyo gi ng’ato e dala ka dala, onego watem dok nyadinwoya e mier maok wajoyudoe ji. To nade ka gitami yudo kata bang’ temo kuom kinde? Pod inyalo yudo nyak kindiko barua moro matin kae to iweyo e bwo dhoot.
3. Gin thuolo mage ma in-go mag lendo e lela koda e seche ma ok ni e tij lendo?
3 Lendo e Lela kod Seche Maok Wan e Tij Lendo: Jotich Jehova e kindegi puonjo ji “rieko” madier. Mani samoro timore ‘e yore’ kata ‘kuonde ma ji hinyo chokoree.’ (Nge. 1:20, 21) Kinde ma wanie tijewa wawegi, be waikore mar chiwo neno ka thuolo oneno? Be wanyalo wacho gadier ni ‘wachiwore ne yalo’ gi kinda? (Tich 18:5) Ka en kamano, to kare wachopo tijwa mar ‘yalo wach maber chuth.’—Tich 10:42, NW; 17:17; 20:20, 21,24.
4. Ere kaka lamo kod paro matut nyalo miyo wayal wach maber chuth?
4 Kata kamano, nitie kinde ma wanyalo nwang’o ka teknwa chiwo neno nikech nyawo moko kata luoro. Onge kiawa ni Jehova ong’eyo chalwa. (Zab. 103:14) Omiyo sama waromo gi pek ma kamago, onego wakwa Jehova e lamo mondo omiwa chir mar chiwo neno. (Tich 4:29, 31) Bende sama wapuonjore Wach Nyasaye kendo paro matut kuome, wanyalo nono kaka weche ma wapuonjore nyalo konyowa kawo mapek ber ma wach mwalando kelo. (Fili. 3:8) Mano biro jiwowa mondo waland wach maber gi kinda!
5. Ere kaka wanyalo riwo lwedo e chopo weche ma Joel nokoro?
5 Weche ma Joel nokoro nyiso ni kapok odiechieng’ maduong’ mar Jehova ochopo, jotich Nyasaye ne dhi ‘mwomo’ maok giwe gimoro amora ogeng’gi e chopo tijgi mar lendo. (Joel 2:2,7-9) Weuru watim duto ma wanyalo e tich maok nochak nwo kendoni!