Weche Mwanyalo Chako Wuoyogo gi ji

Ere Kama Wanyalo Yudoe Dwoko mag Penjo ma Chandowa e Ngima?

Mi wuon ot trakt mondo one wach mondik e wi traktno, kae to iwach kama: “Amosi. Watimo kampen ma bende itimo e piny ngima mar chiwo ne ji ote maberni. Mae en kopi mari.”

Ka diher weyo traktno e udi ma weggi osewuok, kete kama joma kalo ok nyal nene, kendo kik ibane ka ok ochuno.

Ka wuon ot omor gi wachno kendo doher ni uwuo momedore, inyalo tang’one penjo manie nyim traktno kae to nyise mondo oyier achiel kuom dwoko adek moket kanyogo. El traktno mondo inyise gima Zaburi 119:144, 160 wacho. Lerne ni traktno oting’o weche mawuoyo e wi Websait moro manyalo konye yudo dwoko mag penjo ma en-go ei Muma. Inyalo nyise kaka mano nyalore kuom nyise vidio mar Ang’o Momiyo Onego Ipuonjri Muma? Kapok iwuok, inyalo nyise penjo adek mantie e tok traktno kae to ipenje ni mane ma doher yudo dwokone moloyo e kind penjogo. Nyise ni inyalo lime kendo mondo ilerne kaka onyalo yudo dwoko ma Muma chiwo e wi penjono e Websait mar jw.org. Sama idok lime, non kode dwoko mar penjo ma ne oyierono e bwo MAFUNDISHO YA BIBLIA kae to idi MAJIBU YA MASWALI YA BIBLIA mayudore e Kiswahili.

Ka sechego bende ichiwo kalatese mag gwelo ji e chokruok mar rijion, mi wuon ot kalatasno kaachiel gi trakt, kae to inyise kama: “E wi mano, wagweli bende e chokruok moro maduong’ ma warwakoe ji duto.”

Ohinga mar Jarito Agost 1

E giko juma, inyalo wacho kama sama ichiwo Ohinga mar Jarito: “Dwaher bende weyoni gasedewa manyien. Gasedni wuoyo kuom, Gik manyiso ni Nyasaye oheri.”

Amkeni! Agost

E giko juma, inyalo wacho kama sama ichiwo gaset mar Amkeni!: “Dwaher bende weyoni gasedewa manyien. Gasedni dwoko penjo ma wacho ni, Ang’o ma ji nyalo timo mondo gidag gi kuwe?”