Chiw “Gik Mabeyo” Kuom Rwako Welo (Math. 12:35a)

Waduto dwaher dhi nyime chiwo ne ji “gik mabeyo.” Achiel kuom yore ma watimogo mano en “rwako welo.” (Rumi 12:13) Osejiwga jodong-kanyakla mondo gine ni girwako jogol-twak ma welo, kuom chulonegi garama mag wuoth kod rwakogi e gago moro. Kata kamano, seche moko jalendo moro nyalo luor rwako welo nikech yutone nok kata nikech oneno ni bedo gi wendo e pacho keloga dich kod chapni mang’eny. Puonj ma Yesu ne omiyo Maritha nyalo konyowa loyo luoro ma kamago. (Luka 10:39-42) Yesu ne owacho ni “gima ber” ma onego otimre sama warwako welo e utewa, en mbaka kod jiwruok, to ok chiemo mathoth kata ndiso ot. Ka watiyo gi puonjni, waduto wanyalo chiwo ne Jokristo wetewa gik mabeyo kuom rwakogi kaka Wach Nyasaye chikowa.​—3 Joh. 5-8.