Wajiwreuru gi Kinda e Timbe Mabeyo

Ndiko mar Jo-Hibrania 10:24 jiwowa ni “wadewreuru e kindwa mondo wajiw hera kod timbe mabeyo.” Wanyalo jiwo owetewa ka waketonegi ranyisi maber, kendo kuom wechewa ma nyiso ni wan gi yie. Nyis jomamoko e kanyaklau weche mabeyo ma iseneno e ngimani. We mondo gine mor ma in-go e tiyo ne Jehova. Sama itimo kamano, tang’ kik ipimri kodgi, kata pimogi gi jomamoko. (Gal. 6:4) Ti gi nyalo ma in-go e jiwo jomoko mondo gibed gi “hera kod timbe mabeyo,” to kik imi giwinj ni gin joma nono. (Som bug Skul mar Tij Nyasaye, ite mar 158, par. 4.) Ka wajiwore bedo gi hera, to mano biro miyo wabed gi timbe mabeyo kaka konyo ji e yor ringruok kata e tij lendo.—2 Kor. 1:24.