Be Itiyo gi JW Library?

JW Library en program ma olos mondo okony ji yudo Muma, buge misomo, buge miwinjo, kod vidio, kendo ketogi e simo, tablet, kata kompyuta.

KAKA INYALO YUDE: Donj e intanet, kae to iket JW Library e simbi, tablet, kata kompyuta mari kitiyo gi app store. Inyalo keto JW Library e simo, tablet, kata kompyuta mopogore opogore. Mondo iket gik midwaro, yaw JW Library sama in e intanet, kae to iyier gik midwarogo kendo iketgi e simbi kata e tablet mari. Kiseketo buge midwaro e JW Library, ok ochuno ni nyaka iti gi intanet mondo eka iyudgi. Nikech kinde ka kinde imedoga gik moko e JW Library, biro dwarore ni idhi e intanet mondo irwak gik momedgo e JW Library mari kapo ni gintie.

ANG’O MOMIYO ONEGO IBED GI JW LIBRARY? JW Library nyalo konyi e timo puonjruok ma mari iwuon kod sama in e chokruogewa. Inyalo tiyo kode e tij lendo kata mana sama in e dijegi mapile.