Chwore en Jabura Mong’ere

Dhako ma timne ber loso nying chwore. E kinde Ruoth Lemuel, dichwo ma ne nigi dhako ma timne ber ne en dichwo ma jabura mong’ere. (Nge 31:23) E kindewagi, chwo migeno iketoga mondo obed jodong-kanyakla kod jokony-tich. Mondo chwo ma kamago oyud migepego e kanyakla kapo ni gisekendo, mano biro luwore gi timbe mabeyo mag mondegi kod kaka mondegi riwogi lwedo. (1Ti 3:4, 11) Mon ma timbegi beyogo chwogi ogeno, to kanyakla bende ogenogi ahinya.

Dhako ma timne ber konyo chwore e chopo migepene kuom . . .

• jiwe gi weche mang’won.—Nge 31:26

• miye thuolo mar timo tije mag kanyakla.—1Th 2:7, 8

• dak kaluwore gi yutogi.—1Ti 6:8

• tang’ mondo kik openj chwore weche maling’ ling’ mag kanyakla.—1Ti 2:11, 12; 1Pe 4:15