Puonj mag Jehova Konyowa Weyo Buono Ji

Jehova ok buon ng’ato ang’ata. (Tic 10:34, 35) Orwako joma “oa e ogendni duto, gi dhoudi duto, gi ji mopogore opogore duto, kendo gi dhok duto.” (Fwe 7:9) Omiyo, onge ng’ato ang’ata monego obuon nyawadgi e kanyakla mar Jokristo. (Jak 2:1-4) Wamor ahinya ni puonj mag Jehova osekonyowa mi waweyo kido maricho ma ne wan-go chon, kendo sani wan gi winjruok maber e kindwa. (Isa 11:6-9) Sama pod wadhi nyime timo kinda mondo wawe chuth kido marach mar buono jomoko, wanyiso ni waluwo ranyisi mar Nyasaye.—Ef 5:1, 2.

NEURU VIDIO MA WIYE WACHO NI JOHNY AND GIDEON: ONCE ENEMIES, NOW BROTHERS. KAE TO UCHIW DWOKO MAG PENJO MALUWOGI:

• Ang’o momiyo puonj mag Jehova konyo ahinya e tieko kido mar buono ji kod achaya moloyo kinda ma dhano timo mondo gitiek kidogo?

• En ang’o ma mori e wi riwruokwa mar owete?

• Ere kaka Jehova yudo duong’ sama wasiko ka wan gi kuwe e kindwa?