Un Jonyuol, Konyuru Nyithindu Mondo Giti ne Jehova

Jonyuol moluoro Nyasaye gombo ahinya mondo nyithindgi oti ne Jehova. Jonyuol nyalo chako konyo nyithindgi ong’e puonj mag Muma kapod gitindo. (Rap 6:7; Nge 22:6) Be mano dwaro chiwruok? Ee! To kinda ma kamano ok bi dhi nono.—3Jo 4.

Jonyuol nyalo yudo puonj kuom nono ranyisi mar Josef gi Maria. ‘Higa ka higa ne gijadhi Jerusalem e sawo mar Pasaka,’ to mano ne dwaro kinda mang’eny kod pesa mathoth. (Luk 2:41) Kata kamano, ne giketo winjruokgi gi Jehova obed motelo. E yo machalo kamano, jonyuol ma kindegi bende nyalo puonjo nyithindgi mondo oti ne Jehova kokalo kuom wechegi kod timbegi.—Za 127:3-5.

NEURU VIDIO MA WIYE WACHO NI NE GITIMO DUTO MA GINYALO, KAE TO UDWOK PENJO MALUWOGI:

• Ere kaka Jon gi Sharon Schiller noketo weche Pinyruoth motelo ka ne gipidho nyithindgi?

• Ang’o momiyo jonyuol onego opuonj, ota, kendo orie nyathi ka nyathi ka luwore gi chalne?

• Ere kaka jonyuol nyalo konyo nyithindgi mondo ochung’ motegno?

• Kuom gige puonjo ma riwruok mar oganda Jehova osechiwo, mage ma isetiyogo e puonjo nyithindi mondo gibed osiepe Jehova?