Ang’o ma Dwarore Mondo Wabed Jolup Yesu?

9:62

Mondo japur opur e yo moriere, ok oyie mondo gik ma nie toke ogale. E yo machalo kamano, Jakristo ok nyal yie mondo gik ma noseweyo e piny ogale.​—Fil 3:13.

Sama wayudo chandruoge, yot mondo wachak paro ni kinde ma ne pok wang’eyo adiera, ngima ne dhi kodwa maber. Ka wachako paro kamano, walicho mor ma ne wayudo to ok chandruoge ma ne wakale. Mano e gima Jo-Israel notimo bang’ wuok Misri. (Kwa 11:5, 6) Ka wasiko gi paro kaka mago, to wanyalo donjo e tem mar dok e timbewa machon. Mano kaka en gima ber paro matut kuom gueth ma wayudo gie sani kendo keto pachwa kuom mor ma wabiro yudo e bwo loch mar Pinyruoth!​—2Kor 4:16-18.