MWANDU MA YUDORE E WACH NYASAYE | JOHANA 5-6
Luw Yesu ka In gi Paro Mowinjore
Ka ne Yesu otiyo gi ranyisi ma ne tekne jopuonjrene winjo, moko kuomgi nochwanyore kendo ne giweyo luwe. Odiechieng’ motelo ne mano, noyudo ka Yesu osepidhogi e yor hono to mano nonyiso ni ne en-gi teko moa kuom Nyasaye. Ang’o momiyo ne gichwanyore? Nenore ni ne giluwo Yesu ka gin gi paro ma ok owinjore. Ne giluwo Yesu mana nikech gik ma ne omiyogi.
Ng’ato ka ng’ato kuomwa onego openjre niya: ‘Ang’o momiyo aluwo Yesu? Be aluwe nikech gueth ma ayudo sani kod mabiro yudo bang’e? Koso aluwe nikech ahero Jehova kendo ni adwaro ni atim gik ma more?’
Ang’o ma nyalo miyo wachwanyore kapo ni gik madongo momiyo watiyone Jehova gin gik maluwogi?
Gima morowa en bedo gi jotich Jehova mamoko
Wadwaro dak e Paradiso