Lonyuru Kit Dhano Machon, Kendo Urwak Kit Dhano Manyien

3:5-14

Be ne itimo lokruoge madongo e ngimani ka ne ipuonjori adiera? Inyalo bedo gadier ni Jehova ne mor gi kinda ma ne itimo. (Eze 33:11) Kata kamano, pod dwarore ni idhi nyime timo kinda momedore mondo ilony kit dhano machon kendo irwak kit dhano manyien. Dwok penjo maluwogi mondo ine kuonde monego itimie dongruok:

• Be ajamako sadha ne ng’at mochwanya?

• Be ajanyiso kido mar horruok sama adich kata sama aol?

• Be ajagolo paro maricho ma obiro e pacha mapiyo kaka nyalore?

• Be dibed ni an gi paro ma ok kare e wi joma pien dendgi opogore gi mara kata mawuok e piny machielo?

• Be machiegnini asewuoyo ne ng’ato marach kata timo gimoro nikech iya owang’?