“Dhiuru Nyime Keto Pachu Kuom Magi Duto”

Gik mage? Jo-Filipi 4:8 wacho ni waket pachwa kuom gik madier, gik monego okaw mapek, gik makare, gik maler, gik ma jiwo hera, gik mipwoyo, gik malong’o, kod gik mowinjore oyud pak. Mano ok nyis ni Jokristo onego opar mana weche ma ni e Muma seche te. Kata kamano, gik ma waparo duto onego omor Jehova. Ok onego gibed gik ma monowa dhi nyime makore kode.​—Za 19:14.

Ok yot geng’o paro maricho. En kamano nikech wan dhano morem kendo wakedo gi Satan ma en “nyasach ndaloni.” (2Ko 4:4) Nikech Satan e ma chiko pinyni, thoth gik ma ni e televison, e redio, e intanet, kod gik mindiko e buge ochido ahinya. Ka ok watang’ gi gik ma warwako e pachwa, wanyalo chako bedo gi paro maricho kae to mosmos wachako timo gigo.​—Jak 1:14, 15.

NEURU VIDIO MA WIYE WACHO NI TAMRI GIK MA NYALO MONI SIKO KIMAKORI GI JEHOVA​—MANYO MOR E YO MARACH, KAE TO UDWOK PENJO MA LUWOGI:

• 

  Ang’o ma owadwano ne ng’iyo e simu, to mano nokelone rach mane?

• 

  Ere kaka ndiko mar Jo-Galatia 6:7, 8 kod Zaburi 119:37 nokonye?