En Ang’o ma Akawo Kaka Gima Duong’ e Ngimana?

Jakobo nokedo gi malaika mondo Jehova oguedhe, ma en gima nokawo kaka gima duong’ ahinya. (Cha 32:24-31; Hos 12:3, 4) To nade wan? Be waikore timo kinda momedore e winjo Jehova mondo oguedhwa? Kuom ranyisi, ka po ni nyaka wayier e kind dhi e chokruok kod tiyo kuom seche momedore e tij andika, wabiro yiero mane? Ka wamiyo Jehova thuolowa, tekowa, kod mwanduwa, obiro olonwa “gueth mang’eny ma tamre gi nono.” (Mal 3:10) Obiro tayowa, obiro ritowa, kendo miyowa gik mochuno e ngima.—Mat 6:33; Hib 13:5.

NEURU VIDIO MA WIYE WACHO NI, KET PACHI E CHENRO MAG TIYO NE NYASAYE, KAE TO UDWOK PENJO MA LUWOGI:

• 

  Ere kaka gima nyaminwano nohero nobedone tem?

• 

  Ere kaka tijwa mar andika nyalo bedonwa tem?

• 

  Ang’o momiyo Timotheo ne nyaka dhi nyime keto chenro mag tiyo ne Nyasaye kata bed ni nosebedo Jakristo motegno?—1Ti 4:16

• 

  Ere kaka anyalo nyiso ni en tich mane ma akawo kaka tich maduong’ ahinya?