Makri gi Jehova Kaka Giko Medo Sudo Machiegni

GIMOMIYO MANO DWARORE: E kinde mokayo machiegnini, nitie gik malich ma biro timore ma biro dwaro ni wabed gi chir kendo wanyis ni waketo genowa chuth kuom Jehova moloyo kinde moro amora. Masira maduong’ biro chakore ka iketho dinde mag miriambo. (Mat 24:21; Fwe 17:16, 17) E kinde matekgo, nyalo bedo ni wabiro lando kum mager. (Fwe 16:21) Gog mar Magog biro monjowa. (Eze 38:10-12, 14-16) To nikech mano, Jehova biro chako “lweny mar odiechieng’ maduong’ mar Nyasaye Manyalo Duto.” (Fwe 16:14, 16) Mondo wabi wabed gi chir e kindeno, dwarore ni wamakre motegno gi Jehova sama waromo gi tembe e kindegi.

KAKA WANYALO TIMO MANO:

• Wabed gi timbe maler ma Jehova dwaro ni wabedgo.​—Isa 5:20

• Dhi nyime chokori kanyachiel gi Jokristo weteni.​—Hib 10:24, 25

• Luw kaka riwruok mar oganda Jehova tayowa gi chunyi duto.​—Hib 13:17

• Par matut kaka Jehova noreso joge e kinde mokalo.​—2Pe 2:9

• Wuo gi Jehova e lamo kendo iket genoni kuome.​—Za 112:7, 8

NEURU VIDIO MA WIYE WACHO NI GIK MABIRO DWARO CHIR—BATH VIDIO, KAE TO UDWOK PENJO MA LUWOGI:

• 

  Jolendo noromo gi tem mane ma ne dhi nyiso ka be giluwo kaka itayogi ka ne kanyaklagi oriw gi kanyakla mamoko?

• 

  Nitie tudruok mane e kind chir kod luwo kaka itayowa?

• 

  Ang’o momiyo biro dwarore ni wabed gi chir ka Har–Magedon ochakore?

• 

  En ranyisi mane e Muma ma nyalo konyowa bedo gi yie motegno ni Jehova nigi teko mar reso joge?​—2We 20:1-24