Tang’ Mondo Kik Iland Weche mag Miriambo

E kindegi, weche nyalo chopo ne ji mang’eny e yo mapiyo kokalo e gasede, redio, TV, kod intanet. Joma lamo Jehova “Nyasach adiera” ok land weche mag miriambo e yo moro amora. (Za 31:5; Wu 23:1) Weche mag miriambo milando ne jomamoko nyalo ketho kama duong’. Sama inono kabe wach moro en adier, penjri ane kama:

• ‘Be wachno owuok kuom ng’at migeno?’ Ng’at ma pimo wachno samoro ok ong’eyo weche duto. Sama ng’ato pimo wach ne nyawadgi, onyalo pime e yo mopogore gi kaka ne onyise, omiyo ber tang’ ka ok in gadier gi kama wachno owuokie. Nikech joma nigi migepe e kanyakla gin joma ogen ahinya, onego gitang’ mondo kik giwach weche ma ok gin-go gadier

• ‘Dibed ni wechego gin mag kuoth?’ Ka po ni gin weche ma ketho nying jomamoko, to ber mondo wawere kodgi chuth.​—Nge 18:8; Fil 4:8

• ‘Be gin weche ma inyalo gen?’ Bed motang’ ahinya sama igoyoni mbekni mamit kata ma lombo ng’ato

NEURU VIDIO MA WIYE WACHO NI, ERE KAKA ANYALO TAMORA KUOTH? KAE TO UDWOK PENJO MA LUWOGI:

• 

  Ka luwore gi Ngeche 12:18, weche ma imuomruokgo nyalo kelo hinyruok mage?

• 

  Jo-Filipi 2:4 nyalo konyowa nade mondo watang’ gi weche ma wawacho e wi jomoko?

• 

  Ang’o monego watim sama jomoko ochako wuoyo marach e wi jomamoko?

• 

  Gin penjo mage monego wapenjre ka pok wachako wuoyo e wi jomoko?