Be Inyalo Chiwo Thuoloni kod Tekoni?

Mana kaka Isaya ne okoro, sani waneno medruok maduong’ ahinya e riwruok mar oganda Jehova manie piny. (Isa 54:2) Mano miyo dwarore ni wamed gero Ute Romo, Ute Chokruok mag Alwora, kod Bethel mopogore opogore. Koseger utego, biro dwarore ni oritgi maber, to bang’ kinde moko nyalo dwarore ni olos kuonde mokethore kuomgi. Ere kaka mano miyowa thuolo maber mar chiwo ne Jehova thuolowa kod tekowa?

• Wanyalo chiwore ne tich sama ochan ni grubwa mar lendo e ma timo ler e Od Romo

• Wanyalo chiwore mondo otiegwa kaka wanyalo rito Od Romo mondo osik ka ber

• Wanyalo pong’o fom mar Ombi la Kujitolea Katika Kazi ya Usanifu na Ujenzi (DC-50) mondo wasir tije gedo ma timore e alworawa

• Wanyalo pong’o fom mar Ombi la Kuwa Mjitoleaji (A-19) mondo wachiwre kuom juma achiel kata mokalo kanyo mondo wakony tich e Bethel manie alworawa kata e Bethel man kuonde mamoko

NEURU VIDIO MA WIYE WACHO NI, OT MANYIEN MA ICHANO GER MACHIEGNINI​—BATH VIDIO, KAE TO UDWOK PENJO MA LUWOGI:

• En medruok mane mosebetie e yo ma watiyogo gi vidio chakre higa mar 2014?

• Mondo olos vidio duto ma watiyogo e lamo, en tich mane mar gedo ma osechan, to gedono biro chakore karang’o to orumo karang’o?

• Joma ochiwore nyalo konyo nade e tijno?

• Ka wadwaro konyo e tij gedo ma biro timore Ramapo, ang’o momiyo onego wapong’ fom mar (DC-50) kendo konyo e tije mag gedo mitimo e alworawa?

• Gin ang’o ma nyiso ni Jehova osebedo ka tayo tijni?

• Ere kaka wanyalo riwo lwedo tij gedoni kata obedo ni ok wanyal dhi gedo?