Jonyuol, Puonjuru Nyithindu Gik Mowinjore Ging’e

Wadak e piny ma thoth ji neno ni gik mabeyo richo to gik maricho beyo. (Isa 5:20) Gima lit en ni jomoko timo gik ma Jehova osin-go moriwo timbe modwanyore ma chwo timo e kindgi giwegi kod ma mon timo e kindgi giwegi. Nyithi skul kod jomamoko nyalo temo wuondo nyithindwa mondo giluw timbegi mochido. Ere kaka inyalo konyo nyithindi mondo ginyagre gi pek ma kamano kod mamoko ma ginyalo romogo?

Puonj nyithindi mondo giluw chike makare mag Jehova. (Law 18:3) Puonj nyithindi mos mos gima Muma wacho e wi weche mag nindruok ka luwore gi hikgi. (Rap 6:7) Penjri ane kama: ‘Be asepuonjo nyithinda yore mowinjore ma ginyalo nyisogo ni gihero jomamoko, gimomiyo dwarore ni girwak lewni moumo dendgi maber, kendo gimomiyo ok onego giyie ne jomoko omulgi e yo ma ok owinjore? Be nyithinda ong’eyo gima onego gitim ka ng’ato tang’onegi ponografi kata ka ng’ato onyisogi ni gitim gima Jehova ok dwar?’ Ng’eyo gigi chon nyalo konyogi mondo kik gidonj e chandruok. (Nge 27:12; Ekl 7:12) Sama ipuonjo nyithindi, mano nyiso ni ihero mwandu makende ma Jehova omiyi.​—Za 127:3.

NEURU VIDIO MA WIYE WACHO NI, GER OT MABIRO SIKO​—RIT NYITHINDI KUOM “GIK MARICHO,” KAE TO UDWOK PENJO MA LUWOGI:

• 

  Ang’o momiyo jonyuol moko yudo ka teknegi puonjo nyithindgi weche mag nindruok?

• 

  Ang’o momiyo jonyuol nyaka pidh nyithindgi ka ‘girieyogi kendo gipuonjogi kaka Jehova dwaro’?​—Efe 6:4

• 

  Gin ang’o ma riwruok mar oganda Jehova osemiyo jonyuol mondo okonygi sama gipuonjo nyithindgi weche mag nindruok?​—w19.05 12, sanduku

• Ang’o momiyo en gima ber wuoyo gi nyithindi kinde ka kinde to ok rito seche ma chandruok oneno?