Isekawo okenge mage mondo ichop e batiso?
NGIMAWA KAKA JOKRISTO
Yier Tiyo ne Jehova
Ka po ni in rawera ma en jalendo ma pok obatisi kata in japuonjre Muma, be in gi chenro mar dhi e batiso? Ang’o momiyo ber ka obatisi? Chiwruok kod batiso miyo ichako bedo gi winjruok makende gi Jehova. (Za 91:1) Chiwruok kod batiso bende nyalo miyo iyud resruok. (1Pe 3:21) Ang’o ma nyalo konyi mondo ikaw okenge ariyogo?
Tim duto minyalo mondo ibed gadier ni gik misepuonjori gin adier. Sama penjo moro amora obiro e pachi, tim nonro. (Rum 12:2) Ka ifwenyo lokruoge moko monego itim, tim kamano nikech idwaro moro chuny Jehova. (Nge 27:11; Efe 4:23, 24) Lem kinde duto mondo okonyi. Bed gadier ni Jehova biro tegi kendo konyi kotiyo gi rohone maler. (1Pe 5:10, 11) Kinda ma itimo ok en kayiem nono. Tiyo ne Jehova e gima berie mogik!—Za 16:11.
NEURU VIDIO MA WIYE WACHO NI, OKENGE MA TERO NG’ATO E BATISO, KAE TO UDWOK PENJO MA LUWOGI:
Gin pek mage ma jomoko oseloyo mondo gichop e batiso?
Ang’o ma nyalo konyi mondo ibed gi yie motegno ma chop kama ichiworie ne Jehova?
Ang’o ma osejiwo jomoko mondo gikaw okenge ma dwarore mondo gichop e batiso?
Ere kaka Jehova guedho joma oyiero tiyone?
Chiwruok kod batiso tiendgi ang’o?