Chandruoge Duto Nigi Gikogi

Chandruoge nyalo nyoso chunywa mayot to ahinya ahinya kapo ni gibudho ka pok girumo. Daudi nong’eyo ni chandruoge ma Ruoth Saulo ne kelone ne dhi rumo kendo gikone ne odhi bedo ruoth mana kaka Jehova nosesingo. (1Sa 16:13) Yie ma Daudi ne nigo nomiyo ohore korito Jehova.

Sama wan gi chandruok, wanyalo tiyo gi rieko ma wan-go e loyo chandruogno. (1Sa 21:12-14; Nge 1:4) Kata kamano, nitie chandruoge moko ma ok wanyal tieko kata bed ni wasetimo duto ma wanyalo ka waluwo puonj mag Muma. E chandruoge kaka mago, onego wahore mos ka warito Jehova. Machiegnini, obiro tiekonwa chandruok kendo ‘yweyo pi wengewa duto.’ (Fwe 21:4) Kata kapo ni chandruok ma wan-go sani orumo nikech Jehova okonyowa kata nikech weche mamoko, gima wan-go gadier en ma: Chandruoge duto nigi gikogi. Ng’eyo wachno nyalo hoyowa.

NEURU VIDIO MA WIYE WACHO NI, JOMA NIGI WINJRUOK E PINY MAONGE WINJRUOK, KAE TO UDWOK PENJO MA LUWOGI:

• Gin pek mage ma Jokristo ma ne ni milambo mar piny Amerka noromogo?

• Ere kaka ne ginyiso ni gin gi kido mar horuok kod hera?

• Ere kaka ne gidhi nyime keto pachgi kuom ‘gik ma ne dwarore moloyo’?​—Fil 1:10