Wuo e Wi Gik ma Timore e Kindegi e Tij Lendo

Ka ne Yesu yalo, nowuoyo e wi gik ma ne timore e kindego. (Luk 13:1-5) In be inyalo wuoyo e wi gik ma timore e kindegi mondo imigo ji siso mar winjo wach Pinyruoth sama ilendonegi. Bang’ wuoyo e wi kaka ngima tek, masiche ma timore, tungni mag lweny, kaka ji medo tiyo gi yedhe ma mero, kata gimoro machielo, inyalo penjo ng’at milendone penjo ma mako pache. Inyalo penje niya: “Be iparo ni . . . chieng’ norum?” kata “Iparo ni ere kaka inyalo tiek . . . ?” Kae to isomne ndiko motudore gi wach ma uwuoye. Ka ng’atno orwako wach, inyalo tang’o ne vidio kata inyalo miye buk ma yudore e Gik Mwatiyogo e Puonjo Ji Muma. Watemuru matek mondo wachop e chuny joma walendonegi e alworawa kendo ‘watimuru gik moko duto nikech wach maber.’​—1Ko 9:22, 23.

Gin weche mage ma nyalo moro ji e alworau?