NGIMAWA KAKA JOKRISTO
Puonjri Ng’eyo Pach Nyasaye
Wadwaro moro Jehova e gik moko duto ma watimo. (Nge 27:11) Mondo watim kamano, nyaka watim yiero ma nyiso paro ma en-go kata ka onge chik moket achiel kachiel mondo otawa. Ang’o ma nyalo konyowa timo kamano?
Puonjri Muma ma Ok Ibari. Sa asaya ma wasomo Muma, wachalo joma go mbaka gi Jehova. Wanyalo ng’eyo paro ma Jehova nigo ka wapuonjore gik ma Jehova notimo ne joge kod ranyisi mag joma notimo gik mabeyo kod maricho e wang’e. Sama wadwaro ng’ado paro e wi wach moro, roho maler nyalo paronwa puonj moko madongo ma wasegapuonjore e Wach Nyasaye.—Joh 14:26.
Tim Nonro. Sama idwaro ng’ado paro, penjri ane kama: ‘Gin Ndiko mage kata sigana mane ma yudore e Muma ma nyalo konya ng’eyo paro ma Jehova nigo e wi wachni?’ Lem mondo Jehova okonyi kendo iti gi gige timo nonro ma yudore e dhou mondo iyud puonj mag Muma ma nyalo konyi e wach ma chandino.—Za 25:4.
NEURU VIDIO MA WIYE WACHO NI NYAKA ‘WARING GI SINANI’—CHAM CHIEMO MAGERO DENDI, KAE TO UDWOK PENJO MA LUWOGI:
Nyaminwa manie vidiono noromo gi pek mage?
Ere kaka inyao tiyo gi gige timo nonro mondo okonyi nyagruok gi pek ma kamago?
En ber mane ma wayudo sama wakawo thuolo mar timo nonro kod puonjruok ma marwa wawegi ma nyalo konyowa timo yiero mabeyo?—Hib 5:13, 14