Weche Michakogo

E piny mangima, ji tara gi tara nyagore gi tuoche mag paro ma chochoga obwongo. Rowere kod jomadongo, jomwandu kod jodhier, joma osomo kod joma ok osomo, joma nie dinde mopogore opogore, kod joma a e ogendni mopogore opogore nyagore gi tuoche mag paro. Tuoche mag paro gin tuoche ma chalo nade, to ere kaka gikeloga ne ji chandruoge? Gasedni biro wuoyo kuom gimomiyo joma kamago onego oyud thieth mowinjore, kod yore ma Muma nyalo konyogo joma nigi tuoche mag paro.