Weyo ne Ji Richo ka Pok Nochiw Rawar

Inyalo wenwa richowa mana kokalo kuom misango mar rawar ma Yesu nochiwo gi rembe. (Efe. 1:7) To e ma Muma wacho niya: “Nyasaye ne nyiso horuok kuom weyo richo ma ji notimo e ndalo machon,” tiende ni, ka pok Yesu nochiwo rawar. (Rumi 3:25) Ere kaka Jehova ne nyalo timo mano ka e sechego bende omakore gi chikene makare?

E wang’ Jehova, chakre kinde ma nong’ado ni nodhi tiyo gi ‘kodhi’ moro e reso oganda dhano ma nyiso yie kuome, ne chalo ka gima nosechul rawar. (Cha. 3:15; 22:18) Nyasaye ne ni gadier chuth ni e kinde ma noseketo, Wuode ma miderma ne dhi yie chiwo ngimane kaka rawar. (Gal. 4:4; Hib. 10:7-10) Ka ne Yesu nie piny kae, Nyasaye nomiye teko mar weyo ne ji richogi kata obedo ni ne pok ochiwo rawar. Notimo kamano kuom tiyo gi nengo mar rawar ma nochiegni chiwo mondo ores joma nyiso yie.​—Mat. 9:2-6.