Kaka Inyalo Nano Sama Itimoni Gik ma Ok Kare

Som Chakruok 37:23-28; 39:17-23 mondo ing’e kaka Josef nonano sama nitimone gik ma ok kare.

Non weche molworo ndikono e yo matut. Ang’o momiyo notim ne Josef gik ma ok kare? (Cha. 37:3-11; 39:1, 6-10) Josef nonano kuom kinde ma romo nade? (Cha. 37:2; 41:46) En ang’o ma Jehova notimo ne Josef e kindego, to ang’o ma ne ok otimo?—Cha. 39:2, 21; w23.01 17 ¶13.

Non weche moko matindo tindo motudore gi ndiko misomono. Onge kama Muma nyisowae ni Josef nowacho ni chi Potifar nohangone. Ere kaka ndiko nyalo konyowa ng’eyo gimomiyo Josef noyiero ling’ kata gimomiyo ne ok onyiswa weche duto e wi wachno? (Nge. 20:2; Joh. 21:25; Tich 21:37) Gin kido mage ma nokonye nano kata obedo ni nitimone gik ma ok kare?—Mika 7:7; Luka 14:11; Jak. 1:2, 3.

Fweny puonj minyalo yudo kendo iti gi puonjgo. Penjri ane kama:

• ‘Gin gik mage ma ok kare minyalo timna nikech bedo japuonjre Yesu?’ (Luka 21:12, 16, 17; Hib. 10:33, 34)

• ‘Ang’o ma anyalo timo sani ma biro konya nano sama itimona gik ma ok kare?’ (Zab. 62:7, 8; 105:17-19; w19.07 2-7)