Non Pichni Mondo Iyud Puonj

Bugewa nigi pichni mang’eny ma konyowa yudo puonj madongo. Ere kaka inyalo tiyo gi pichnigo mondo iyud puonj?

• Non pichni ka pok isomo sula ma gintie. Pichnigo nyalo medi siso mar somo sulano. Kuom ranyisi, sama ineno chiemo moro mamit, donge igomboga chame? E yo ma chalo kamano, sama ineno picha moro, penjri ane kama, ‘Pichani puonja ang’o?’​—Amos 7:7, 8.

• Sama isomo sula moro ma nigi pichni, par gimomiyo oket pichnigo. Ka nitie weche ma lero pichnigo, somgi. Ne kaka pichnigo otudore gi gima iwuoye e sulano kod kaka ginyalo konyi e ngimani.

• Bang’ somo sula moro, ti gi pichni man kanyo sama inono puonj madongo miyudo e sulano. Par matut kuomgi kod puonj ma moro ka moro jiwo.

• Donge inyalo nono pichni ma yudore e gasedni mondo ine ane ka inyalo paro puonj ma gichiwo?