Ne Giyudo ‘Lulu ma Nengone Tek’

Yesu nopuonjo ni Pinyruodh Nyasaye biro tieko chandruoge duto mag dhano. (Mathayo 6:10) E Mathayo 13:44-46, notiyo gi ranyisi moko ariyo e nyiso kaka adiera mag Pinyruodh Nyasaye nigi nengo maduong’:

• Dichwo moro ne tiyo e puodho, kae to orodhno gi mwandu moro ma nopandi.

• Dichwo moro ma ja ohala ne manyo kite mabeyo mag lulu, kae to oyudo lulu moro ma nengone tek.

Chwo ariyogo ne ouso mwandu duto ma ne gin-go mondo ging’iew gik ma ne giyudogo. Chwogo ochung’ ne joma neno ni Pinyruodh Nyasaye nigi nengo maduong’ ahinya, kendo giyie tuonore gik moko mondo giyud gueth mag Pinyruodhno. (Luka 18:29, 30) E vidioni, ne ane jomoko ariyo ma sigandgi chalo gi mar chwo ma ne Yesu owuoye e ranyisigo.