Chandruoge mag Yuto—Ang’o ma Pinyruodh Nyasaye Biro Timo?

E piny ngima, ji mang’eny nigi chandruoge mag yuto kendo ngima medo mana ridorenegi.

• Ripot moro mar piny ngima nowacho nia osara ma tinde ji yudo ok nyal romogi ng’iewo gik mochuno e ngima. Ripodno nowacho ni ka onge gima otim e wachno, to nitie “pogruok maduong’ ma biro bedoe e kind joma odhier kod joma nigi mwandu” kendo “ngima biro medo ridore ne ji mang’eny.”

Be nitie gima sirkande mag dhano nyalo timo e wachno mondo weche obedie maber berie kata ka ok gitieko chandruogno?

Muma wacho ni nitie sirkal moro ma nyalo tieko chandruoge duto mag yuto kendo obiro miyo ji duto odag marom. Owacho ni “Nyasaye manie polo nochung pinyruoth” moro, ma en sirkal ma biro tieko chandruoge duto mag dhano. (Daniel 2:44) E bwo sirkandno, onge ng’at ma wich nowilgo kendo ma nodong’ kodhier. (Zaburi 9:18) Pinyruodhno biro miyo ji duto gimoro amora ma gidwaro mondo gibed mamor. Ji duto biro bedo mamor gi tich lwetegi.​—Isaya 65:21, 22.