Be Muma En Buk Moting’o Mana Riekni mag Dhano?

Dwoko ma Muma Chiwo

Muma ma bende iluongo ni Ndiko Maler oting’o weche mang’eny ma nyiso rieko matut. Ne ane gima Muma wacho: “Ndiko duto okudh gi much Nyasaye.” (2 Timotheo 3:16) Nitie gik mang’eny manyiso ni wechego gin adier. Ne ane maluwogi:

• Onge ng’ama osega lero weche histori adimba kaka Muma nyiso.

• Jondiko mag Muma ne gin chwo ma nondiko weche duto maok gipando gimoro. Adiera ma ne gindiko e wigi nyiso ayanga wachno.

• Muma wuoyo mana kuom wach achiel maduong’ ma en ratiro ma Nyasaye nigo mar locho e wi dhano kendo kaka obiro chopo singoge kokalo kuom Pinyruodhe manie polo.

• Kata obedo ni nondike higni alufe mokalo, Muma wacho adier e weche mag sayans ma ji oyiego e kindegi.

• Thoth gik ma nokor e Muma osechopo e wang’e kendo gik mondiki mathoth nyiso ni mano en adier.