Be Nyasaye en Nyadidek?

Dwoko ma Muma chiwo

Dinde mang’eny puonjo ni Nyasaye en Nyadidek. Kata kamano, buk moro miluongo ni Encyclopædia Britannica wacho kama: “Wach ma ji tiyogago ni Nyasaye en Nyadidek ok yudre e Muma Manyien (Mathayo-Fweny), bende puonj moro amora ma wuoyo e wi didek ok yudre kanyo kata matin . . . Puonjno ne onya mos mos kuom higni pieche kokalo kuom propaganda mang’eny.”

Kata mana Muma pok oleroga ni Nyasaye en achiel kuom nyiseche adekgo. Ne anena moko kuom ndikogi:

“Jehova Nyasachwa en Jehova achiel.”—Rapar mar Chik 6:4.

“In, ma nyingi Jehova, in kendi e ng’a Ma Malo Chutho e piny ngima.”—Zaburi 83:18.

“Ma e ngima ma nyaka chieng’, ni ging’eyi in Nyasaye makende mar adier kod jal ma ne ioro, Yesu Kristo.”—Johana 17:3.

“Nyasaye en ng’at achiel.”—Jo-Galatia 3:20.

Ang’o momiyo dinde mang’eny mag Jokristo wacho ni Nyasaye en didek?