Be Muma Oting’o Weche Madier e Wi Ngima Yesu?

Dwoko ma Muma Chiwo

Achiel kuom jondik Muma miluongo ni Luka nowacho kama e wi ngima Yesu: “Asenono gik moko duto nyaka a chakruokgi adimba.”—Luka 1:3.

Jomoko paroga ni sigand Yesu ma yudore e buge mag Injili ma nondik gi Mathayo, Mariko, Luka kod Johana ne ochoch e higni mag 300.

Kata kamano, e chak higni mag 1900 noyud kidi moro ma ne ondikie weche manie Injili mar Johana e piny Misri. Sani ong’ere kaka Papyrus Ryland 457 (P⁵²) kendo okane e librari miluongo ni John Rylands, e taon mar Manchesta, England. Otingo weche manie e bug Johana 18:31-33, 37, 38 ma yudore e Mumbni ma kindegi.

Weche manie kitepego e weche ma nondik chon ahinya mag Ndiko mag Dho Grik ma sani yudore. Josomo mang’eny oyie ni ne ondike higni mag 125 E Ndalowa, mana senchari matin bang’ buk mokwongo mane ondik. Wechego chalre ndi gi weche ma yudore e kitepe ma noduog ofweny bang’e.