Be Yesu En Nyasaye Manyalo Duto?

Dwoko ma Muma Chiwo

Joma kwedo Yesu ne wacho ni notimre ni orom gi Nyasaye. (Johana 5:18; 10:30-33) Kata kamano, Yesu ne ok otemo wacho ni orom gi Nyasaye Manyalo Duto. Nowacho niya: “Wuora duong’ moloya.”—Johana 14:28.

Jolup Yesu ne ok nene kaka ng’at maromre gi Nyasaye Manyalo Duto. Kuom ranyisi, bang’ ka ne osechier Yesu, jaote Paulo nondiko ni Nyasaye “ne omiye migawo ma malo moloyo.” Mano nyiso maler ni Paulo ok noyie ni Yesu e Nyasaye Manyalo Duto. To ka dine Yesu en Nyasaye, ere kaka Nyasaye ne nyalo miye migawo ma malo moloyo? —Jo-Filipi 2:9.