Be Nyasaye Ema Kelonwa Chandruoge?

Dwoko ma Muma Chiwo

Muma duoko maler ni ooyo! Ne ok en dwaro mar Nyasaye mondo dhano ochandre. Kata kamano, dhano mokwongo Adam gi Hawa, ne ong’anyo ne loch mar Nyasaye, ma giyiero mar tayore giwegi ka gitimo yiero kendgi e kind gik mabeyo kod maricho. Ne giweyo luwo kaka Nyasaye tayogi kendo mano nokelonegi chandruok.

Nikech yiero marach mane gitimo, wan be sani koro wachandore. Nyasaye to ne ok okelo chandruoge mag dhano.

Muma wacho niya: “Sama ng’ato ni e tem, kik owach niya: ‘Nyasaye tema.’ Nimar gik maricho ok nyal temgo Nyasaye, to en owuon bende ok otem ng’ato ang’ata.” (Jakobo 1:13) Chandruok nyalo yudo ng’ato ang’ata, kata bed ni ng’atno en jatich Nyasaye.