Ang’o Momiyo Onego Walem Kokalo Kuom Nying Yesu?

Dwoko ma Muma chiwo

Onego walem kokalo kuom nying Yesu nikech mano e yo ma Nyasaye oyiego. Yesu nowacho kama: “An e yo, kendo an e adiera, kendo an e ngima. Onge ng’at ma biro ir Wuora mak mana kokalo kuoma.” (Johana 14:6) Nowacho bende ne jootene ni: “Adier, adier, awachonu ni, kukwayo Wuora gimoro amora, obiro miyougo e nyinga.”—Johana 16:23.

Gik mamoko momiyo onego walem kokalo kuom nying Yesu

• Wamiyo Yesu kod Jehova Wuon-gi luor.—Jo-Filipi 2:9-11.

• Wanyiso ni wamor gi chenro ma ne Nyasaye otimo mondo oreswa kokalo kuom tho mar Yesu.—Mathayo 20:28; Tich Joote 4:12.

• Wayie gi migawo makende ma Yesu nigo mar bedo Jagach e kind Nyasaye kod dhano.—Jo-Hibrania 7:25.

• Wachiwo luor ne tij Yesu kaka Jadolo Maduong’ ma nyalo konyowa mondo wabed gi winjruok maber gi Jehova.—Jo-Hibrania 4:14-16.