Be Muma Nyalo Konya Sama Chunya Onyosore?
Dwoko ma Muma chiwo
Ee, nikech “Nyasaye ma hoyo jo ma chunygi onyosore” e ma nyalo konyowa e yo maberie moloyo.”—2 Jo-Korintho 7:6.
Gima Nyasaye chiwo mondo okony joma chunygi onyosore
Teko. Nyasaye hoyowa kuom miyowa teko mar nano sama wakwaye mondo otimnwa kamano. Kata kamano, seche moko ok obi golonwa chandruogewa duto. (Jo-Filipi 4:13) Inyalo bedo gadier ni oikore winji nikech Muma wacho niya: “Jehova ni machiegni gi jo ma chunygi onyosore, kendo oreso jo ma chunygi ool.” (Zaburi 34:18) Nyasaye nyalo winji kata ka gik ma iwinjo e chunyi otami wacho.—Jo-Rumi 8:26, 27.
Ranyisi mabeyo ma wanyalo luwo. Jandik Muma moro nolemo kama: “Aywakni ka an e i bur matut.” Gima ne okonyo jandik zaburino nyagore gi chuny monyosore en paro ni Nyasaye oikore weyonwa richowa. Nonyiso Nyasaye kama: “Ka dabed ni irango mana richo, en ng’ano ma dichung’ e nyimi . . . ? Nimar iweyo ne ji richogi gadier mondo giluori.”—Zaburi 130:1, 3, 4.
Geno. Mopogore gi hoyowa gie sani, Nyasaye osesingo ni obiro tieko chandruoge duto ma miyo chunywa nyosore. E kinde ma obiro chopo singono, “ji ok nopar gik machon, [moriwo nyaka gik ma nyoso chunywa] bende, gigo ok nochand chunygi kendo.”—Isaya 65:17.
Ng’e wachni: Kata obedo ni Joneno mag Jehova oyie gi kony ma Nyasaye chiwo, pod gimanyoga thieth sama ng’ato nigi tuo mar parruok. (Mariko 2:17) Kata kamano, ok wajiw kit thieth moro nikech wang’eyo ni mano en yiero ma ng’ato e ma onego otim.