Maelezo ya Chini

e Artashashta I nong’ere kaka ng’at ma kite siko lokore kendo ma ne nigi mirima mager. Jasomo moro ma Ja-Grik miluongo ni Herodotus nondiko kaka ruodhno nonyiso kidogo e lweny ma ne okedoe gi Jo-Grik. Ruoth nochiko mondo oried meli mang’eny mondo olosnegi daraja e wi pi mag Hellespont. Kane apaka moro oketho darajano, Artashashta nogolo chik ni ong’ad oko wiye jogo duto ma ne oloso darajano kendo nowacho ni omi pi Hellespont “kum” kuom chwado pigno ka gisomo gi dwol ayany moro mondik piny. E kinde lwenyno, kane ng’at moro ma jamwandu okwaye ni kik ter wuode e lweny, Artashashta ne owacho ni ong’ad wuoyino nyadiriyo kae to oket ringre wuoyino kama ji neno mondo obednegi siem.