Maelezo ya Chini

a Ka ne Yesu wuoyo gi jopuonjrene e wi gik ma ne dhi nyiso ni wadak e ndalo mag giko, ne onyisogi gik mathoth. Nokwongo owuoyo e wi “jatich mogen kendo mariek,” ma en grup matin mar owete mowal ma tayo jo Nyasaye. (Mat. 24:45-47) Kae to, nowuoyo e wi Jokristo duto ma nigi geno mar dhi e polo. (Mat. 25:1-30) Mogik, nowuoyo e wi joma nigi geno mar dak e piny ma ne dhi konyo owete Kristo. (Mat. 25:31-46) E yo ma kamano, ka ne weche ma Ezekiel nokoro ochako chopo e ndalowa, gik ma ne timorego nokwongo otudore gi joma dhi e polo. Kata obedo ni nitie seche ma pinyruoth ma masawa ma ne nigi dhoudi apar ok ochung’ ne joma nigi geno mar dak e piny, riwruok ma iwuoye e weche ma nokorgi paronwa winjruok maber ma nitie e kind Jokristo ma nigi geno mar dhi e polo kod joma nigi geno mar dak e piny.