Zaburi

Wer.

98 Weruru ne Jehova wer manyien,+

Nimar osetimo gik madongo miwuoro.+

Oselocho gi lwete ma korachwich ma en bade maler.+

2 Jehova osemiyo yorene moresogo ji ong’ere;+

Osefwenyo ne ogendni timne makare.+

3 Oseparo herane mosiko kod adierane ne dhood Israel.+

Piny duto oseneno kaka Nyasaye oselocho.+

4 Pakuru Jehova gi mor un piny duto,

Werneuru gi ilo.+

5 Weruru mamit ne Jehova, kugoyo nyatiti,

Ee, werneuru kugoyo thum mamit.

6 Werneuru gi turmbeta kod tung’.+

Koguru gi mor e nyim Ruoth Jehova.

7 Nam mondo owuo kaachiel gi gik moko duto manie iye.

Piny duto kod jo modak e iye bende owuo.

8 Aoche mondo opam lwetegi;

Gode mondo okog matek gimor.+

9 Onego giwer e nyim Jehova nimar osebiro ng’ado bura ne piny.

Obiro ng’ado bura makare ne piny,+

Kendo ok obi dewo wang’ ng’ato.+