Ang’o Momiyo Joneno mag Jehova Ok Ti gi Msalaba e Lamo?

E piny mangima, ji mang’eny neno msalaba kaka ranyisi mar din mar Jokristo. Kata obedo ni wan Jokristo, ok wati gi msalaba e lamo. Nikech ang’o?

Wach mokwongo en ni Muma nyisowa ni Yesu notho e yath, to ok e msalaba. Bende, Muma chiwo siem ne Jokristo ni ‘giring lamo mar sanamu.’ Mano nyiso ni ok onego giti gi msalaba e lamo.​—1 Jo-Korintho 10:14; 1 Johana 5:21.

Gimachielo maduong’ en ni Yesu nowacho kama: “Ma e ma nomi ji duto ong’e ni un jopuonjrena ka un gi hera e kindu uwegi.” (Johana 13:34, 35) Omiyo, Yesu nowacho ni hera e ma ne idhi fwenygo jolupne madier to ok msalaba kata sanamu moro amora.