15. Weche ma ni e Isaiah 60:5, 22 osechopo e yo mane? (Ne bende sanduk ma wiye wacho ni, “Jehova e ma Nomiyo Tijwa Odhi Nyime,” kod ma wacho ni, “Kaka ‘Ng’a ma Ok Duong’’ Osebedo ‘Oganda Man gi Teko.’”)

¹⁵ Higni 800 kama ka pok Yesu nogoyo ngechego, Jehova nosetiyo gi janabi Isaya e koro okang’ maduong’ ma ne idhi timie tij keyo e ndalowagi, kod kaka medruok ma ne dhi betie ne dhi moro jokeyo.c Jehova nowacho kokalo kuom janabino ni ji ‘moa kuma bor’ ne dhi donjo e riwruok mar ogandane. Kowuoyo kuom “Jerusalem” ma sani ochung’ ne Jokristo mowir ma pod ni e piny, Jehova nowacho kama: ‘Inibed mamor, mi chunyi nopong’ gi ilo. Mwandu mogundho mag ogendni mopogore opogore nokelni.’ (Isa. 60:1, 4, 5, 9, The Bible in Luo, 1976) To mano kaka wechego gin adier! Sani, jotich Nyasaye ma osetiyone kuom kinde mang’eny nigi mor kod ilo sama gineno ka kwan mag joyal wach Pinyruoth siko ka medore ameda e alwora ma gintieree.