Nikech yalo e tich maduong’, Yesu jiwo jolupne ni gitang’ mondo gimoro kik choch tijgi mar yalo. Owachonegi kama: “Ka gisandou e taon moro, ringuru udhi e taon machielo; nimar adier awachonu ni, ok unutiek lworo taonde manie Israel duto ngang’ ka pok Wuod dhano ochopo.”​—Mathayo 10:23.

Kuom adier, Yesu nyiso ni ong’eyo gik ma biro timore e kinde ma biro sama owacho ne jootene wechego. Par ni nonyiso ni jopuonjrene ok bi tieko alwora duto ma onego giyalie “ka pok Wuod dhano ochopo.” Wechego konyowa ng’eyo ni jopuonjre ok bi tieko yalo wach Pinyruodh Nyasaye ka pok Ruoth Yesu Kristo ochopo kaka jang’ad-bura mar Nyasaye.