• “Ung’e Hera mar Kristo”
    Sud Machiegni gi Jehova

    • “Wuora, Wenegi”

      16. Ere kaka yo ma ne Yesu oikorego weyo ne ji richogi ne onenore kata sama ne otho e wi yadh-sand?

      16 Yo machielo ma ne Yesu onyisogo e yo makare chuth hera mar Wuon mare, en ni ne ‘oikore weyo ne ji richogi.’ (Zaburi 86:5) Mano ne onenore kata mana sama ne otho ka en e wi yadh-sand. Ka koro Yesu tho tho malit kendo mar wich-kuot ka ogur lwetene gi tiendene gi musmal, iparo ni nonyalo wuoyo e wi ang’o? Be dibed ni ne okwayo Jehova mondo okum joma ne nege? Mopogore gi mano, e i wechene mogik, Yesu nowacho niya: “Wuora, wenegi nimar ok ging’eyo gima gitimo.”​—Luka 23:34.b

  • “Ung’e Hera mar Kristo”
    Sud Machiegni gi Jehova

    • b Weche motelo ma yudore e bug Luka 23:34 ok yudre e kitepe moko machon. Kata kamano, nikech giyudore e buge machon ma ji ogeno, Muma mar Loko mar Piny Manyien kod loko moko mag Muma ma buora, oting’ogi. Nyaka bed ni Yesu ne wuoyo e wi jolweny mag Jo-Rumi ma ne onege. Ne ok ging’eyo gima ne gitimo nikech ne ok ging’eyo maber ni Yesu ne en ng’a. Bende, samoro ne oparo Jo-Yahudi ma ne ochano mondo onege to bang’e ne dhi keto yie kuome. (Tich Joote 2:36-38) Mopogore kodgi, jotend din ma ne ochwalo nek Yesu, notimo kamano ka ging’eyo. Thothgi ne ok nyal wenegi kethogi.​—Johana 11:45-53.