• Higni Mia Achiel ka Wan e Bwo Loch mar Pinyruoth!
    Ohinga mar Jarito—2015 | Novemba 15

    • 2. Gin ji adi ma nyalo bedo ni ne nitie ka Yesu nogolo chik ma yudore e Mathayo 28:19, 20, to ang’o momiyo wanyalo wacho kamano?

      2 Bang’ kinde matin kosechier Yesu, noromo gi ji mokalo 500 ma ne dhi bedo joland wach Pinyruoth. (1 Kor. 15:6) Nyaka bed ni kinde ma noromoe gi jogo, e ma nochikogie ni galand ote Pinyruoth ne ji manie “ogendni duto,” ma gie kindeno ne en tich matek ahinya!a Yesu nokoro ni tich maduong’ni ne idhi tim nyaka “e giko mar ndalo,” to mano e gima osebedo ka timore. Nyaka bed ni in bende iriwo lwedo timo tich ma nokorni.—Mat. 28:19, 20.

  • Higni Mia Achiel ka Wan e Bwo Loch mar Pinyruoth!
    Ohinga mar Jarito—2015 | Novemba 15

    • a Nitie gima nyiso ni thoth joma ne nitie ka Yesu chiwo chikno nobedo Jokristo. Paulo luongogi ni ‘owete 500’ e barua ma nondiko ne Jo-Korintho. Bende nomedo wacho kama: “Thothgi pod ni kodwa, kata obedo ni moko kuomgi osenindo e tho.” Omiyo, nenore ni Paulo kaachiel gi Jokristo mamoko mokwongo nong’eyo thoth joma nowinjo achiel kachiel ka Yesu chiwo chikno.