Nwoyo Puonj mag Skul

Penjo maluwogi ibiro non e Chokruog Skul mar Tij Nyasaye e juma machakore Februar 22, 2010. Jarit-skul biro tayo migawo mar nwoyo penjogi kuom dakika 20, kaluwore gi weche mosepuonjruok e kind juma mar Januar 4 nyaka Februar 22, 2010.

1. Gin weche mage manyalo bedo ni nomiyo Jo-Israel moko odeko kapok okawo Piny Manosingi, to ang’o mwanyalo puonjore kuom wachni? (Josh. 18:2, 3) [it-1-E ite mar 359 par. 5]

2. Ang’o ma nomiyo Joshua owacho weche mayudore e Joshua 24:14, 15, to ere kaka onego wane wechego? [w08-LO 5/1 ite mag 21-22 par. 4-6]

3. Yo achiel ma joma ne lamo Baal kod kit lamo margi nobedogo obadho ne Jo-Israel en mane? (Bura 2:3) [w08-SW 2/15 ite mar 27 par. 2-3]

4. En puonj mane mwayudo kuom chir ma Ehud nonyiso e tiyo gi ligangla? (Bura 3:16, 21) [w97-SW 3/15 ite mar 31 par. 4]

5. En jip mane mwayudo ka wapuonjore kaka Jehova ne oreso Gideon kod chwo 300 ma ne nikode? (Bura 7:19-22) [w05-SW 7/15 ite mar 16 par. 8]

6. Chuny Jehova “nokecho nikech chandruok mar Israel” e yo mane? (Bura 10:16) [cl-SW ite mag 254-255 par. 10-11]

7. Be Jeftha ne nigi paro mar chiwo dhano kaka misango seche ma ne okuong’ore? (Bura 11:30, 31) [w05-SW 1/15 ite mar 26 par. 1]

8. Be teko Samson ne nie yie wiye? (Bura 16:18-20) [w05-SW 3/15 ite mar 28 par. 5-6]

9. Ere kaka winjo e yo maler tiend gima Samson notimo miwuoyoe e Jobura 16:3 nyalo konyowa? [w04-SW 10/15 ite mag 15-16 par. 7-8]

10. Kaluwore gi puonj mar chuny dhano, ang’o mwanyalo puonjore kuom weche mayudore e Jobura 16:30, NW? [w90-SW 9/1 ite mar 5 par. 5; sp-LO ite mag 13-14]