Land Wach Maber

1. Adier mag Pinyruoth nopondo kinde malach.

Adiera mar Kodhi mosingi fwenyore.

Jehova ng’won kendo ohero adiera

Noparo chal mar dhano ma en jaricho.

Noketo chenro ni Wuode oloch e piny;

Kinde Nyasaye mowinjre, loch Pinyruoth nonyuol.

Kendo nochano miyo Wuode miaha,

Omiyo duong’ kweth matin mar jogo moyier.

2. Wach maber mwalando sani ne okor chon.

Jehova dwaro ni sani waland wachno.

Malaike mor tiyo kanyachiel kodwa,

Mondo gikonywa ka walando wach Pinyruoth.

Sani wan gi ting’ koda thuolo moyiedhi,

Wami Jehova duong’, wapake mowinjore.

Bedo Jonenone en gueth momiyowa

Walando wach maber ma siko nyaka chieng’.