PENJO MAR 2
Gin yore mage ma inyalo puonjorigo e wi Nyasaye?
“Kitabuni mar chik kik oa e dhogi, to inipar wechene odiechieng’ gotieno, mondo ine kitimo duto mondikie: eka nimi yoreni bedo maber, kendo initi gi rieko.”
“Ne gisomo malong’o e kitabu, mana e chik Nyasaye; ne ginyiso tiende, mit ji nowinjo gi ma ne gisomonigi.”
‘Jali ojahawi mak wuoth e yor rieko ma jo maricho ng’ado. . . . To morne maduong’ en kuom chik Jehova, to oparo aming’a kuom chikne odiechieng’ gi otieno. . . . Gi motimo duto nobedi gi hawi.’
“Filipo noringo nyaka e bath garino mi nowinjo ka Ja-Ethiopiano somo bug janabi Isaya gi dwol maduong’, mi nopenje kama: ‘Be adier iwinjo tiend weche misomogo?’ Nodwoko niya: ‘Kuom adier, ere kaka dawinj tiendgi mak mana ka ng’ato olerona?’”
“Kido ma en-go ma dhano ok nyal neno, ma gin tekone mochwere kod duong’ ma en-go kaka Nyasaye, osebedo ka nyisore maler chakre chuech piny ka dhi nyime, nimar ginenore e gik ma nochueyo. Omiyo, dhano ok nyal wuondre ni gikia.”
“Par matut kuom wechegi; ket chunyi duto kuomgi, mondo dongruok mari onenre ayanga ne ji duto.”
“Wadewreuru e kindwa mondo wajiw hera kod timbe mabeyo ma ok wajwang’ bedo e chokruogewa kanyachiel.”
“Ka nitiere ng’ato e kindu mochando rieko, osik kokwayo Nyasaye, nimar Nyasaye chiwo rieko ne ji duto e yo mogundho ma ok omany ketho kuom ng’ato, kendo enomiyego.”